ஹஜ் ஏன்?
துல் கஅதா மாதம் அல்லாஹ் புனிதமாக்கியிருக்கிற நான்கு மாதங்களில் ஒன்றாகும் . ஹஜ்ஜுடைய அமல்களுக்கான நாட்கள் ஆரம்பிப்பதும் அங்கிருந்து தான் . ஹஜ்ஜுப் பயணம் மேற்கொள்கிற புனித பயணாளிகள் பயண அறிவிப்பை சொந்த , பந்தம் , அண்டை அயலார் , உறவுகள் நட்புகள் மஹல்லா வாசிகள் என அனைவரிடமும் சொல்லி முடித்து , பயணம் மேற்கொள்ள துவங்குகிற மாதமும் கூட . விருந்துகள் , பிரிவுபச்சாரங்கள் , ஹஜ் விளக்க கூட்டங்கள் என இப்போதே நாம் ஹஜ் தொடர்பான பல சபைகளை அலங்கரிக்கத் தொடங்கி இருப்போம் . இந்த சபைகளைக் கடக்கிற போதோ அல்லது அவைகளில் அமர்கிற போதோ , புனி...