ஆளுமை (Character / True Personality)என்றால் என்ன?
ஆளுமை (Character / True Personality)என்றால் என்ன?
ஆளுமை என்பது பேப்பர் தகைமைகள் அல்ல.
பட்டங்களும், பதவிகளும் அல்ல.
ஒருவரின் பெயருக்கு முன்னாலும் பின்னாலும் சேர்க்கப்படும் அடைமொழிகள் அவரின் உண்மையான ஆளுமையை தீர்மானிப்பதில்லை.
ஆளுமை என்பது அனுபவங்களால் உருவாகும் ஒரு திறமை.
வாழ்க்கைப் பாடங்களால் செதுக்கப்படும் ஒரு பண்பு.
காலம் கற்றுத்தரும் ஒரு முதிர்ச்சி.
உண்மையான ஆளுமை என்பது…
தலைக்கனம் இல்லாத தன்மை.
தான் அறிந்ததை விட பிறரிடமிருந்தும் கற்றுக்கொள்ளத் தயாராக இருக்கும் மனநிலை.
தன்னை உயர்த்திக் காட்டாமல், மற்றவர்களையும் மதித்துப் பழகும் பண்பு.
ஆளுமை என்பது…
எல்லோரையும் மதிக்கும் மனப்பக்குவம்.
ஏழையா? பணக்காரரா?
படித்தவரா? படிக்காதவரா?
பதவியில் இருப்பவரா? சாதாரண மனிதரா?
என்ற வேறுபாடுகளை பார்க்காமல் மனிதனை மனிதனாக மதிக்கும் உயர்ந்த குணம்.
ஆளுமை என்பது…
விட்டுக்கொடுக்கத் தெரிந்த மனம்.
எல்லாவற்றிலும் நான் தான் வெல்ல வேண்டும் என்று நினைக்காமல், தேவையான இடத்தில் பின்வாங்கத் தெரிந்த முதிர்ச்சி.
ஏனெனில் சில நேரங்களில் வெற்றி பெறுவதை விட உறவை பாதுகாப்பது பெரிய சாதனையாகும்.
ஆளுமை என்பது…
உதவும் மனப்பான்மை.
தனக்காக மட்டும் வாழாமல், பிறரின் சுமைகளையும் பகிர்ந்து கொள்ளும் மனிதநேயம்.
பிறரின் கண்ணீரை துடைக்க முன்வரும் கருணை.
ஆளுமை என்பது…
கனிவு.
கடுமையாக பேச முடிந்த இடத்திலும் மென்மையாக பேசும் குணம்.
மற்றவர்களின் தவறுகளை பார்த்து அவமானப்படுத்தாமல், திருத்திக் கொடுக்க முயலும் பெருந்தன்மை.
ஆளுமை என்பது…
பணிவு.
உயர்ந்த நிலையை அடைந்த பிறகும் தன்னை சாதாரண மனிதனாகவே எண்ணும் மனம்.
புகழ் அதிகரித்தாலும் தலைக்கனம் அதிகரிக்காத நிலை.
அறிவு வளர வளர பணிவும் வளர்வதே உண்மையான ஆளுமையின் அடையாளம்.
நினைவில் கொள்ளுங்கள்…
மக்கள் உங்கள் பட்டங்களை மறந்து விடலாம்.
உங்கள் பதவிகளையும் மறந்து விடலாம்.
ஆனால்…
நீங்கள் காட்டிய அன்பை,
நீங்கள் வழங்கிய மரியாதையை,
நீங்கள் செய்த உதவியை,
நீங்கள் வெளிப்படுத்திய பணிவை,
ஒருபோதும் மறக்கமாட்டார்கள்.
ஆளுமை என்பது உயரமாக நிற்பதில் இல்லை
பிறரை உயர்த்தி நிறுத்துவதில்தான் இருக்கிறது.
ஆளுமை என்பது அதிகாரத்தில் இல்லை;
அன்பிலும் பணிவிலும் இருக்கிறது.
ஆளுமை என்பது பேசுவதில் இல்லை;
நடந்து காட்டுவதில்தான் இருக்கிறது.
கருத்துகள்
கருத்துரையிடுக