மொபைல் போன் ஒரு நிஃமத் (அருட்கொடை).

 மொபைல் போன் ஒரு நிஃமத் (அருட்கொடை).

இஸ்லாம் எந்தப் புதிய தொழில்நுட்பத்தையும் தடை செய்யவில்லை.

மொபைல் போன் ஒரு நிஃமத் (அருட்கொடை). அதை நல்லதற்கும்பயன்படுத்தலாம், கெட்டதற்கும் பயன்படுத்தலாம்.

பிரச்சினை மொபைலில் இல்லை; அதை பயன்படுத்தும் முறையில்தான்உள்ளது.

மொபைலை எந்த அளவுக்கு நன்மைக்காக பயன்படுத்துகிறோமோ அதைவிட அதிகமாக தீமைக்காக பயன்படுத்துவது  சமூகத்தில் அதிகமாகநடைமுறையில் இருக்கிறது, குறிப்பாக இளவயதினர் மொபைல்களால்சீரழிந்து சின்னாபின்னமாகிக் கொண்டு இருக்கிறார்கள். 

மொபைல் பார்த்து பழகிவிட்ட இளைஞர்கள் மொபைலை பார்க்காமல் தடைசெய்தால் தடை செய்யக்கூடிய பெற்றோர்களை கொல்லும் அளவிற்குசெயல்படக்கூடிய நிலைமை இன்றைக்கு உருவாகிவிட்டது,  மரபு மீறியஉறவுகள் ஒழுக்கக்கேடான தொடர்புகள், அருவருப்பான காட்சிகள் பார்ப்பது, கேட்பது, பேசுவது என்று மொபைலால் இன்றைக்கு சீரழிவுகள் தான்அதிகமாகிக் கொண்டிருக்கிறது. அறிவிலும், ஒழுக்கத்திலும் உயர்ந்து வளரவேண்டிய சமுதாய இளவயதினர் அறிவீனமான செயல்களாலும்ஒழுக்கக்கேடான அணுகுமுறைகளாலும் சீரழிந்து கொண்டிருக்கிறார்கள்.

இந்நிலையில் மொபைலை பயன்படுத்துவதை பற்றி அல்குர்ஆனும், நபிமொழிகளும் என்னென்ன வழிகளைக் கூறுகின்றன, என்பதைப்பார்ப்போம்.

1. நேரத்தை வீணடிப்பது

அல்லாஹ் கூறுகிறான்:

وَٱلۡعَصۡرِ ۝١. إِنَّ ٱلۡإِنسَٰنَ لَفِي خُسۡرٍ ۝٢

"காலத்தின் மீது சத்தியமாக! நிச்சயமாக மனிதன் நஷ்டத்தில் இருக்கிறான்." (103:1-3)

தினமும் 3–6 மணி நேரம் சமூக வலைத்தளங்களில் செலவிடுபவர்கள்ஏராளம்.

அல்குர்ஆன் ஓத 10 நிமிடம் கிடைக்கவில்லை; ஆனால் ரீல்ஸ் பார்க்க 2 மணிநேரம் கிடைக்கிறது.

நபி ஸல்... கூறினார்கள்:

لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ عُمُرِهِ فِيمَا أَفْنَاهُ، 

"மனிதன் மறுமையில் தனது ஆயுளை எதில் கழித்தான் என்றுகேட்கப்படாமல் அவனது கால்கள் நகராது." (திர்மிதி 2417)

2. பார்வையைப் பாதுகாக்காது

அல்லாஹ் கூறுகிறான்:

قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَ‌ٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَايَصْنَعُونَ 

திருக்குர்ஆன்  24:30

 "நம்பிக்கையாளர்களிடம் கூறுவீராக! அவர்கள் தங்கள் பார்வைகளைத்தாழ்த்திக் கொள்ளட்டும்." (24:30)

ஆபாசம்.

ஒழுக்கக்கேடான வீடியோக்கள்.

TikTok, Instagram போன்றவற்றில் ஹராமான (தடுக்கப்பட்ட) காட்சிகள்.

நபி ஸல்... கூறினார்கள்:

أَبِي هُرَيْرَةَ رضي الله عنه، عَنِ النَّبِيِّ ﷺ قَالَ:

«كُتِبَ عَلَى ابْنِ آدَمَ نَصِيبُهُ مِنَ الزِّنَا، مُدْرِكٌ ذَلِكَ لَا مَحَالَةَ، فَالْعَيْنَانِ زِنَاهُمَا النَّظَرُ،وَالْأُذُنَانِ زِنَاهُمَا الِاسْتِمَاعُ، وَاللِّسَانُ زِنَاهُ الْكَلَامُ، وَالْيَدُ زِنَاهَا الْبَطْشُ، وَالرِّجْلُ زِنَاهَا الْخُطَا،وَالْقَلْبُ يَهْوَى وَيَتَمَنَّى، وَيُصَدِّقُ ذَلِكَ الْفَرْجُ أَوْ يُكَذِّبُهُ

இறைத்தூதர் ஸல்...  அவர்கள் கூறினார்கள்’

விபசாரத்தில் மனிதனுக்குள்ள பங்கை இறைவன் எழுதியுள்ளான். அதைமனிதன் அடைந்தே தீருவான். (மர்ம உறுப்பின் விபசாரம் மட்டுமல்ல. கண்ணும் நாவும் கூட விபசாரம் செய்கின்றன.) கண் செய்யும் விபசாரம்(தவறான) பார்வையாகும். நாவு செய்யும் விபசாரம் (பாலுணர்வைத்தூண்டும்) பேச்சாகும். மனம் ஏங்குகிறது; இச்சை கொள்கிறது. மர்ம உறுப்புஇவை அனைத்தையும் உண்மையாக்குகிறது. அல்லது பொய்யாக்குகிறது.

என அபூ ஹுரைரா ரழி... அறிவித்தார்.

(புகாரி 6612, முஸ்லிம்: 2657)

4. வதந்தி மற்றும் பொய்ச் செய்திகளை பரப்புவது:

அல்லாஹ் கூறுகிறான்:

وَلَا تَقْفُ مَا لَيْسَ لَكَ بِهِ عِلْمٌ ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَـٰئِكَ كَانَ عَنْهُ مَسْئُولًا 

"உங்களுக்கு அறிவில்லாததைப் பின்பற்றாதீர்கள். செவியும், பார்வையும், இதயமும் அனைத்தும் விசாரிக்கப்படும்." (17:36)

மேலும், அல்லாஹ் கூறுகிறான்:

يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَافَعَلْتُمْ نَادِمِينَ 

"ஒரு பாவி உங்களிடம் செய்தி கொண்டு வந்தால் அதை உறுதிப்படுத்திக்கொள்ளுங்கள்." (49:6)

நபி ஸல்... கூறினார்கள்:

كَفَى بِالْمَرْءِ كَذِبًا أَنْ يُحَدِّثَ بِكُلِّ مَا سَمِعَ

"ஒருவன் கேள்விப்பட்ட அனைத்தையும் சொல்லிக் கொண்டிருப்பதே அவன்பொய்யனாக இருப்பதற்குப் போதுமானது." (முஸ்லிம்: 5)

5. புறம்பேசுதல், அவதூறு

WhatsApp, Telegram, Facebook வழியாக:

ஒருவரை கேலி செய்தல்.

மீம்ஸ் உருவாக்குதல்.

வீடியோக்களைப் பகிர்தல்.

அல்லாஹ் கூறுகிறான்:

أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ 

"உங்களில் ஒருவர் இறந்த தனது சகோதரனின் மாமிசத்தை உண்ணவிரும்புவானா?" (49:12)

6. தொழுகையை அலட்சியம் செய்தல்

தொழுகை நேரத்தில் மொபைல்.

பாங்கு ஒலித்தும் ரீல்ஸ் பார்த்துக் கொண்டிருப்பது.

பள்ளிவாசலிலும் போன் பார்ப்பது 

அல்லாஹ் கூறுகிறான்:

 أَضَاعُوا الصَّلَاةَ وَاتَّبَعُوا الشَّهَوَاتِ ۖ فَسَوْفَ يَلْقَوْنَ غَيًّا

 "தொழுகையை வீணாக்கி, இச்சைகளைப் பின்பற்றியவர்கள் நஷ்டத்தைச்சந்திப்பார்கள்." (19:59)

7. பெற்றோரையும் குடும்பத்தையும் புறக்கணித்தல்

வீட்டில்:

எல்லோருடைய கையிலும் போன்.

யாரும் யாருடன் பேசுவதில்லை.

நபி ஸல்... அவர்கள் கூறினார்கள்:

 "உங்களில் சிறந்தவர் தன் குடும்பத்தாரிடம் சிறந்தவராக இருப்பவரே." (திர்மிதி: 3895)

8. அடிமைத்தனம் (Mobile Addiction)

காலை எழுந்தவுடன் போன்.

தூங்குவதற்கு முன் போன்.

தொழுகையை விட Notification முக்கியம்.

நபி ஸல்... கூறினார்கள்:

 "இரண்டு அருட்கொடைகளில் பலர் ஏமாற்றமடைந்துள்ளனர்: ஆரோக்கியம்மற்றும் ஓய்வு நேரம்." (புகாரி: 6412)

9. மனநலம் பாதிப்பு

மன அழுத்தம்.

ஒப்பீட்டு மனப்பான்மை.

தனிமை.

கவனக்குறைவு.

பல ஆய்வுகள், அதிக சமூக வலைத்தள பயன்பாடு, மனஅழுத்தம், பதட்டம்மற்றும் தூக்கமின்மையுடன் தொடர்புடையதாகக் காட்டுகின்றன.

10. ஒழுக்கக்கேடுகளுக்கு வாசல்

Online friendship.

Haram relationship.

Sexting.

Blackmail.

Fraud.

அல்லாஹ் கூறுகிறான்:

وَلَا تَقْرَبُوا الزِّنَا ۖ إِنَّهُ كَانَ فَاحِشَةً وَسَاءَ سَبِيلًا 

விபச்சாரத்திற்கு நெருங்காதீர்கள்! அது வெட்கக்கேடானதாகவும், தீயவழியாகவும் இருக்கிறது.  (17:32)

11. நாவால் மட்டும் அல்ல, விரலாலும் பாவம்:

இன்று:

ஒரு Comment.

ஒரு Like.

ஒரு Share.

ஒரு Forward.

இவை அனைத்தும் மறுமையில் கணக்கிடப்படும்.

அல்லாஹ் கூறுகிறான்:

مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ 

"அவன் பேசும் ஒவ்வொரு சொல்லையும் பதிவு செய்யும் கண்காணிப்போர்இருக்கின்றனர்." (50:18)

இன்று "பேசுவது" மட்டுமல்ல, "Type செய்வதும்" இதில் அடங்கும்.

12. மொபைலை நன்மைக்குப் பயன்படுத்துவது

குர்ஆன் வாசித்தல்.

ஹதீஸ் கற்றல்.

பயனுள்ள பயான்கள்.

பெற்றோருடன் தொடர்பு.

தஃவா செய்தல்.

இஸ்லாமிய நூல்கள்.

மக்களுக்கு பயனளிக்கும் விதத்தில் பயன்படுத்துதல்.

மொத்தத்தில்.... 

மொபைல் நம்மை சொர்க்கத்திற்கும் அழைத்துச் செல்லும். அதே மொபைல்நரகத்திற்கும் அழைத்துச் செல்லும்.

அது நம் கையில் இருக்கும் கருவி அல்ல; நாம் அதன் கட்டுப்பாட்டில் வாழத்தொடங்கினால் அதுவே ஆபத்து.

முடிவில் சொல்லக்கூடிய அழகான வரிகள்:

மொபைலை உங்கள் கையில் வைத்திருங்கள்; உங்கள் இதயத்தில்வைத்துவிடாதீர்கள்.

Notification வரும்போது உடனே பார்க்கும் நாம், அல்லாஹ்வின் அழைப்பானபாங்குக்கு உடனே பதிலளிக்கிறோமா?

ரீல்ஸில் மூழ்கிய கண்கள், அல்குர்ஆனில் நனையட்டும்.

போனின் Battery காலியானால் கவலைப்படுகிறோம்; ஆனால் ஈமானின்வலிமை குறைந்துவிட்டால் கவலைப்படுகிறோமா?

சிந்திப்போம், செயல்படுவோம்!